阿拉星 – 創業延續足球夢 售賣海野 新鮮品質保證 堅持夢想與生活

@hungrymonkeysdelivery – 創業延續足球夢】
Hungry Monkeys嘅老闆歐沖曾經係香港本土職業足球員,而家更加係知名海鮮網店嘅老闆。究竟係啲乜嘢驅使佢由球場走去賣海鮮呢?其實老闆重來都冇放棄過成為足球員嘅夢想。但係香港做足球員嘅生活冇乜保障,體院嘅資源可能多啲,又或者有啲出名啲嘅球員有機會教吓波或者跟老細出去搵食。而更大部分嘅足球員隨住巔峰年齡過去就慢慢退出球場。老闆機緣巧合之下認識到一班創業嘅朋友,所以想走一條同其他運動員唔同嘅路。

@hungrymonkeysdelivery – 售賣海野 新鮮品質保證】

海野,即係每日由本地漁船出海捕獲嘅海鮮即日新鮮出售。疫情期間冇波踢,當時去咗幫個賣菜嘅朋友度幫手,開始接觸食品批發行業,累積經驗。之後咁啱有外國踢波返嚟嘅朋友帶嚟海野美食。
因為成本高昂做海野生意門檻好高,而老闆憑著經驗同作為足球員嘅毅力同堅持,籌備兩三個月之後終於闖出自己嘅事業。

@hungrymonkeysdelivery – 堅持夢想與生活】
做生意好辛苦,有朋友叫佢返嚟踢波啦;但係香港踢波又冇前景,又有一班朋友支持佢創業。事業同夢想,好難平衡。老闆坦言細個淨係掛著踢波,對社會閱歷好少。做網上生意競爭好大,準備迎接旺季、緊貼潮流品味,往往要同時間競賽。好多嘢一路做一路學,放假都冇得休息,有時候凌晨都仲有客人查詢,但係老闆仍然堅持每晚六點後抽時間出嚟踢波。夢想同生活,未必一定不可兼得,重點係堅持,同埋客人嘅支持就係老闆最大嘅滿足感。

創業契機
足球員喺香港好無保障,一啲好彩或者比較知名嘅運動員,踢完波可以出嚟跟老細搵食,又或者去教下波。
我自己就想試下行另一條路。好彩地,呢幾年接觸咗其他圈子嘅朋友,佢地都係做生意。可能係俾佢哋感染咗,自己都想嘗試一下創業。

海野
海野嘅意思就係喺海入邊撈上嚟。有好多出邊街市賣緊嘅海鮮其實係養殖嘅。海鮮有幾日壽命,街市賣嘅唔係最新鮮,通常放咗幾日,所以價錢會平啲。
而我地賣嘅海鮮價錢可能會比較貴,但都係市場上少機會買到嘅海野。我哋賣嘅海野唔會係隔日,而係由我地嘅本地漁船即日出海捕獲,每日新鮮返到攞出嚟賣。客人前一日落單,第二朝早我地就會出海撈,晏晝或者夜晚就會俾貨客人。

足球運動員與創業
足球運動員同創業,我兩樣都想做。
足球係夢想,我自己對足球運動員條路都仲未完嘅,都想再繼續踢落去。但足球員同普通職業唔同,年紀越大,你嘅價值越低。所以喺香港踢波都要為自己諗定下一步。
同時,我都要兼顧創業,都想用喺運動員學返嚟嘅毅力、唔放棄嘅精神放入做生意度,希望可以殺出一條血路。

________

屬於香港人的小店專欄🖋|

我們令微弱的星空,
再次因團結,
如神話般重燃希望,
化百家為滿天星宿。

——————————
www.allastar.com.hk

#香港小店專欄 #小店專訪 #本土特色小店 #香港特色 #阿拉星 #海鮮 #食材速遞 #急凍小食 #hongkonglocalculture #hongkonglocalstore #discoverhongkong2020 #explorehongkong #hklifestyleblogger #allastarhk #hkshoplist #seafood #fooddelivery #hkfoodie

 

轉發自:https://www.instagram.com/p/CM9kLNOjnD4/?utm_medium=copy_linkhttps://www.instagram.com/p/CM9kGlUDeOq/?utm_medium=copy_linkhttps://www.instagram.com/p/CM9kBgAjX1f/?utm_medium=copy_link

 

海鮮套餐餐牌傳送門:燒烤套餐火鍋套餐海鮮套餐

 

#海鮮到家 #海鮮到會 #海鮮外賣 #海鮮外送 #海鮮快遞 #海鮮直送 #海鮮速遞 #海野海鮮 #進口海鮮 #新鮮海鮮 #鮮甜海鮮 #涮涮鍋套餐 #壽喜燒套餐 #燒烤套餐 #火鍋套餐 #海鮮套餐 #BBQ套餐 #打邊爐套餐 #海鮮 #蟹 #魚 #龍蝦 #瀨尿蝦 #貝殼 #蝦 #肉 #牛 #雞 #羊 #豬